M.Pilinkievič nie zmoh skazać, jak doŭha budzie ciahnucca ekśpiertyza. Pavodle jaho słoŭ, heta vyznačajuć uračy, ale, jak praviła, u miežach miesiaca.
Mikałaj Pilinkievič taksama paviedamiŭ, što maładomu čałavieku nie prad\jaŭlałasia nijakich novych abvinavačańniaŭ. Śledstva čakaje vynikaŭ psichijatryčnaj ekśpiertyzy.
Abvinavačańnie va ŭčynieńni złačynstva, praduhledžanaha p. 2 č. 2 art. 139 Kryminalnaha kodeksa Respubliki Biełaruś (naŭmysnaje zabojstva zaviedama małaletniaha) było pradjaŭlena minčaninu 11 studzienia. Z sankcyi prakuratury jon byŭ aryštavany.
Nahadajem, cieła druhakłaśnicy Białaruckaj siaredniaj škoły (Łahojski rajon Minskaj vobłaści) było znojdziena supracoŭnikami kryminalnaha vyšuku 3 studzienia pad budaŭničym vahončykam kala lasnoha masivu prykładna za siem kiłamietraŭ ad pasiołka Białaručy, dzie dziaŭčynka žyła z maci, i za dva kiłamietry ad sadavodstva «Lasnoje‑90». Ustanoŭlena, što śmierć dziaŭčynki nastupiła ŭ vyniku nasilnych dziejańniaŭ.
I.Kuželnaja znachodziłasia ŭ vyšuku z 23 listapada 2007 hoda.