U sudzie Zavodskaha rajona Minska, dzie prachodzić praces nad Dzianisam Zamiatalinym, synam viadomaha biełaruskaha kiraŭnika Uładzimira Zamiatalina, 4 sakavika zatrymany fotakarespandent Uładź Hrydzin.
Pra heta BiełaPAN paviedamiŭ karespandent «Radyjo Svaboda» Aleh Hruździłovič, jaki taksama znachodziŭsia ŭ sudzie dla aśviatleńnia pracesu.
«Hrydzina zatrymali paśla taho, jak jon uvajšoŭ u zału, dzie pavinien byŭ prachodzić praces, i zrabiŭ niekalki zdymkaŭ, — skazaŭ Hruździłovič. — Ja nie paśpieŭ ź im pahutaryć, ale čuŭ, jak milicyjaniery kazali jamu, što lubaja zdymka ŭ zale biez dazvołu suda zabaronienaja. Chacia jon fatahrafavaŭ da pačatku pracesu».
Pavodle słoŭ Hruździłoviča, Hrydzina vyvieli z budynka suda. «Kudy jaho pavieźli, ja nie viedaju», — skazaŭ jon.
Hrydzin na telefanavańni nie adkazvaje. Mahčyma, zaraz jon znachodzicca ŭ Zavodskim RUUS.
