Bubnač, dudar i vakalist zajaviŭ pra svoj sychod z kamandy, jakoj addaŭ 14 hod.
«Tak, ja syjšoŭ z hurta «Stary Olsa», pryčyny tłumačyć nie chaču, mahu skazać chiba, što heta nijak nie źviazana z maim hurtom LitvinTroll», – skazaŭ u kamentary partału Tuzin.fm Andrej Apanovič. U hurcie jon ličyŭsia asnoŭnym bubnačom, hraŭ taksama na błok-flejcie, dudzie, u niekatorych numarach śpiavaŭ, u tym liku ŭ mahutnym kavery na Metallica. Andrej užo sychodziŭ u 2012 hodzie, ale nieŭzabavie viarnuŭsia ŭ skład hurta. Ciapierašni sychod vyhladaje na kančatkovy. 14 hod, jakija jon pryśviaciŭ «olsam», Andrej zhadvaje z pryjemnaściu: «Zašybiś było, my klasna adarvalisia za hety čas». Apanovič praciahnie vystupać razam z svaim hurtom LitvinTroll.
«Stary Olsa» tym časam abvieścili pra pošuk bubnača. Hałoŭnyja patrabavańnie – umieć hrać pałačkami na vialikim barabanie i darbukach i, viadoma ž, mieć žadańnie i cikavaść. Ułasny instrument nie patrebny. Źviazacca z hurtom možna praz aficyjnyja supołki ŬK i FB.
