Fota: Owen et al., NRAO/AUI/NSF
U 800 miljonach śvietłavych hod ad Ziamli astranomy pranazirali sutyknieńnie dźviuch častak hihanckaha skopišča hałaktyk Abell 2256, nazirańni apisanyja ŭ časopisie Astrophysical Journal.
U pracesie źlićcia navukoŭcy z dapamohaj teleskopa VLA atrymali kalarovyja zdymki Abell 2256, na jakich pabačyli niečakanyja i navat nieviadomyja fizičnyja pracesy.
Padčas źlićcia dźviuch niaroŭnych hrup hałaktyk nazirajucca ŭspyški zoraŭtvareńnia, społachi radyjovypramieńvańnia i inšyja zaŭvažnyja ź Ziamli fienomieny.
Pad «kalarovymi» nasamreč majucca na ŭvazie zdymki ŭ renthienaŭskim i radyjodyjapazonie. Ale navukoŭcy kažuć, što kali b čałaviečaje voka mahło bačyć u hetych dyjapazonach, Abell 2256 pradstała by mienavita ŭ takich kolerach.
Abell 2256 — bližejšaje da Mlečnaha šlachu supierskopišča hałaktyk. Jano raściahnutaje na 4 młrd śvietłavych hod, na načnym niebie Ziamli jano zajmaje stolki ža płoščy, kolki Miesiac. Ahulnaja masa jaho zorak roŭnaja tryljonu Soncaŭ.
