Niama nieabchodnaści ŭ źjaŭleńni dadatkovaha kantynhientu AAN na ŭschodzie Ukrainy, zajaviŭ ŭ razmovie z «Interfaks» namieśnik kiraŭnika MZS Rasii Hienadź Haciłaŭ.
«My zychodzim z taho, što isnujuć minskija damoŭlenaści, u jakich prapisana, što manitorynham budzie zajmacca ABSIE», — skazaŭ jon.
Haciłaŭ nazvaŭ pytańnie ab nakiravańni miratvorcaŭ u Danbas składanym. «Patrabujecca ŭzhadnieńnie mandata, kolkaści kantynhientaŭ, ich nacyjanalnaha składu i, samaje hałoŭnaje, zadač, čym jany mahli b zajmacca», — udakładniŭ dypłamat.
Namieśnik ministra dadaŭ, što ŭ šmatlikich členaŭ Rady Biaśpieki AAN, jaki i pavinien vyrašać pytańnie ab nakiravańni miratvorcaŭ, strymanaje staŭleńnie da ŭkrainskaj inicyjatyvy. Što heta za krainy — členy Rady biaśpieki, maściŭ nie ŭdakładniŭ.
Dla ŭvodu kantynhientu AAN treba adabreńnie Rady biaśpieki AAN, u tym liku Rasii, jakaja maje pravam vieta.
***
Ź inicyjatyvaj zaprašeńnia kantynhientu AAN u lutym vystupiŭ prezident Ukrainy Piotr Parašenka. Učora, 13 sakavika ŭ AAN paćvierdzili, što atrymali ad Ukrainy aficyjnuju prośbu ab nakiravańni na Danbas miratvorčaha kantynhientu.