Technałohija davoli prostaja, raspavioŭ Źmicier: albo na škło nabivajecca admysłovy malunak, abo vyrablajecca nalepka i kleicca na škło. Majstar prapanuje svaim klijentam roznyja varyjanty azdableńnia, malunki. Kančatkovy varyjant vybiraje klijent, ź im uzhadniajecca eskiz.
Na pytańnie, jak Źmicier Daškievič stavicca da pretenzij, jakija vystaviŭ adzin z aŭtaraŭ etałonu «Pahoni», mastak Uładzimir Krukoŭski, da aŭtaraŭ tak zvanaj «Vieršnicy», jon adkazaŭ tak:
«Asabista ja nie baču nijakaj prablemy ŭ «Pahoni» ź vieršnicaj. Naadvarot, heta dobra, kali nacyjanalnyja simvały, jakija dziesiacihodździami znachodzilisia i znachodziacca pad zabaronaj, pieraśledam, ciapier nabyvajuć takuju papularnaść, ludzi imknucca ich vykarystoŭvać. Naadvarot, heta natchniaje. Vielmi škada, što niekatoryja staviacca da simvałaŭ jak da niečaha sakralnaha, jak da śviatarnaj karovy, jakoj treba pakłaniacca i jakaja pavinna być tolki vyvieranych pamieraŭ, praporcyj, adpaviadać zaćvierdžanym etałonam, kožnaj rysačcy i detalcy».
