Asoby, jakija zaklikali zmahacca suprać Litvy i jaje členstva ŭ mižnarodnych arhanizacyjach, trapili ŭ pole zroku pravaachovy — u ich u damach i na pracoŭnych miescach praviali siońnia pieratrusy. Padčas pieratrusaŭ šukali suviazi pamiž hetymi ludźmi i varožymi Litvie arhanizacyjami.
Simonas Minkiavičus, 15min.lt
Pakul identyfikavanyja dzieviać čałaviek, jakija zaklikali da zhurtavańnia dla baraćby suprać Litvy, adnak, vierahodna, što ich moža być bolš. Pakul nie havorycca pra toje, što zhadanyja asoby mahli atrymlivać hrošy za svaju dziejnaść ad varožaj Litvie dziaržavy.
19 sakavika pieratrusy praviali ŭ 12-ci miescach. Adno ź ich — vydaviectva ŭ Šyłuckim rajonie, u vioscy Traksiedžaj. U joj nadrukavali kala 6000 prakłamacyj.
Pieratrusy praviali taksama ŭ Kłajpiedskim, Vilenskim, Kaŭnaskim i Šaŭlajskim rehijonach.
«Častka identyfikavanych ludziej źviazanyja pamiž saboj. Ci ŭsie źviazany, niezrazumieła. Pieratrusy dla taho i pravodzilisia, kab atrymać dadzienyja pierapiski, tady ŭsio stanie jaśniej», - skazaŭ prakuror Kłapiejdskaj haradskoj prakuratury Simonas Minkiavičus.
Na pytańnie, čamu hetyja 9 čałaviek zaklikali abjadnoŭvacca ŭ hrupy dla baraćby suprać Litvy, Minkiavičus adkazaŭ, što kazać ab matyvach pakul rana.
Palicyja padazraje, što ŭsie aktyvisty — raspaŭsiudniki prarasijskaj prapahandy źviazanyja pamiž saboj — mahčyma, finansava.
