Vyjava: Mars One
Bas Łansdorp, kiraŭnik pryvatnaha kaśmičnaha prajektu Mars One, zapisaŭ razhornuty videaadkaz na krytyku ŭdzielnika prajektu Džozefa Roša.
Roš abvinavačvaje aŭtaraŭ krytyčnaha artykułu ŭ pustoj pahoni za siensacyjaj.
Jon śćviardžaje, što zajavak na ŭdzieł było nasamreč 200 tysiač i što adbor udzielnikaŭ nie zaležyć ad sumy achviaravańniaŭ na prajekt.
Taksama kiraŭnik Mars One zaznačyŭ, što paraŭnalna ścipłaj sumy ŭ 6 młrd dalaraŭ chopić na prajekt, bo płanujecca palot ludziej tolki ŭ adzin bok — kałanisty zastanucca žyć na Marsie.
Zapusk pieršaha kaśmičnaha aparatu Mars One na Mars byŭ pieraniesieny na dva hady — da 2020 hoda.
Heta značyć i źmiaščeńnie ŭsiaho hrafiku na dva hady — zapusk ludziej na Mars adbudziecca ŭ 2027 hodzie, a nie ŭ 2025-m, jak płanavałasia raniej.
Zatrymka tłumačycca nastupnym raŭndam pieramoŭ ź inviestarami, u jakich zaciahnułasia «papiarovaja praca». Jana zavieršycca, jak čakaje kiraŭnik prajektu, užo hetym letam, ale Mars One nie paśpieje ŭ čas prafinansavać daśledavańni kampanii Lockheed Martin, nieabchodnyja dla zapusku pieršaha bieśpiłotnaha aparatu da Marsa.
