fota z fejsbuka Dźmitryja Miadźviedzieva
Rasija prałanhiruje dziaržaŭny kredyt dla Biełarusi. Pra heta zajaviŭ premjer-ministr RF Dźmitryj Miadźviedzieŭ siońnia na pasiadžeńni ŭrada.
«Jašče adno finansavaje pytańnie, jano tyčycca dziaržaŭnaha finansavaha kredytu dla Respubliki Biełaruś. My damaŭlalisia, što dapamožam im u hetaj niaprostaj situacyi, pa sutnaści, praviadziem prałanhacyju isnujučych kredytnych abaviazacielstvaŭ», — skazaŭ jon.
Dźmitryj Miadźviedzieŭ adznačyŭ, što my partnioram našym dapamahali i nadalej budziem dapamahać.
«Naturalna, heta zasnavana na našym razumieńni partniorskich adnosin: my partnioram našym dapamahali i nadalej budziem dapamahać, zrobim heta. Ale našy biełaruskija siabry taksama pavinny apieratyŭna zdymać prablemy, jakija pieryjadyčna ŭźnikajuć u handlova-ekanamičnaj śfiery, i heta treba rabić apieratyŭna», — padkreśliŭ rasijski premjer.
Dźmitryj Miadźviedzieŭ daručyŭ pieršamu vice-premjeru Iharu Šuvałavu «stelefanavacca ź biełaruskimi partniorami». «Jašče raz źviarnicie ich uvahu na nieabchodnaść vyrašać roznyja pytańni, źviazanyja z našym supracoŭnictvam», - skazaŭ jon.
Rašeńnie dać Biełarusi dadatkovyja pazykovyja srodki było pryniata rasijskim kiraŭnictvam u kancy 2013 hoda. Paviedamlałasia, što ahulny abjom dapamohi składzie kala 2 młrd dalaraŭ, ź jakich 450 młn. — dziaržaŭny kredyt pad 4% hadavych terminam na 10 hadoŭ. Pra mahčymaść prałanhacyi vydzielenych Biełarusi 450 młn dalaraŭ u červieni 2014 zajaŭlaŭ kiraŭnik rasijskaha «Banka VTB» Andrej Kościn.
***
Lenta.ru dadaje, što ŭ 2015 hodzie Biełaruś płanuje vypłacić pa źniešnich daŭhach bolš za 4 miljardaŭ dalaraŭ. Usiaho Minsk vinny kredytoram kala 40 miljardaŭ dalaraŭ. U 2014 hodzie ŭrad Rasii daručyŭ Minfinu dać Minsku 10 miljardaŭ dalaraŭ na budaŭnictva AES.
