Chirurhičny robat da Vinci užo siońnia dapamahaje chirurham u niekatorych apieracyjach. Vyjava: da Vinci Surgery
Hrupa Google Life Sciences i padraździaleńnie Johnson & Johnson Ethicon buduć pracavać nad udaskanaleńniem robataŭ-chirurhaŭ, pieradaje Mashable.
Google zdolny dać robatam Ethicon dobry zrok praź sistemu raspaznavańnia vyjaŭ.
Google maje prasunutyja technałohii raspaznavańnia vyjaŭ. Niekatoryja ź ich mohuć zdacca śmiešnymi: naprykład, pošukavik vučycca padpisvać fota, ale pakul błytaje mašynu z aŭtobusam, a ravarysta sa skiejtbardystam.
Ale Google «trenirujecca na kotkach» dziela surjoznych metaŭ.
Naprykład, robat moža dapamahčy čałavieku-chirurhu pabačyć kryvianosnyja sasudy albo dać patrebnyja padkazki ŭ zaležnaści ad dziejańnia chirurha ŭ dadzieny momant.
U hrupie Google Life Sciences, što ŭvachodzić u łabaratoryju Google X, pracujuć kala 100 lekaraŭ i navukoŭcaŭ. Supraca z Ethicon moža vyvieści ich daśledavańni z łabaratoryi pierśpiektyŭnych prajektaŭ u realnyja apieracyjnyja pakoi.
Ale pakul robatam nie dazvolać pravodzić apieracyi biez udziełu čałavieka.
