Halivudski komik Robin Uiljams zabaraniŭ vykarystoŭvać svaju vyjavu na praciahu 25 hadoŭ paśla śmierci. Heta vynikaje z apublikavanaha zaviaščańnia akciora, paviedamlaje vydańnie The Hollywood Reporter.
DPA
Takim čynam, Uiljams abmiežavaŭ vykarystańnie svajho imia, podpisu, fotazdymkaŭ i inšych vyjaŭ da 11 žniŭnia 2039 hoda, pieradaŭšy prava na ich śpiecyjalnamu fondu Windfall Foundation, arhanizavanamu jaho aficyjnymi pradstaŭnikami.
Vobraz Robina Uiljamsa nie moža być adnoŭleny ŭ vyhladzie hałahramy, vykarystany ŭ rekłamie ci kinastužcy. Adznačym, što hledačam byli pradstaŭleny hałahramy Majkła Džeksana, Tupaka Šakura i inšych pamierłych znakamitaściaŭ.
Taksama paviedamlajecca, što na hetym tydni zaviaršyłasia sudovaja sprava adnosna spadčyny akciora. Sprečka razharełasia pamiž žonkaj Robina Siuzan Šnajder Uiljams i jaho dziećmi.
Oskaranosny Robin Uiljams pamior na 64-m hodzie žyćcia, ździejśniŭšy samahubstva. Trahiedyja adbyłasia 11 žniŭnia 2014 hoda ŭ jaho domie ŭ horadzie Tyburon (štat Kalifornija, ZŠA). Ličycca, što pryčynaj suicydu stała hłybokaja depresija.