Sny mužčyn i žančyn majuć istotnyja adroźnieńni. Takoje zaklučeńnie zrabili brytanskija navukoŭcy z Univiersiteta ŭ Suonsi, paviedamlajuć infarmahienctvy.
fota Iryny Arachoŭskaj
U chodzie daśledavańnia było praanalizavana bolš za 100 tysiač mužčynskich i žanočych snoŭ. Navukoŭcy pryjšli da vysnovy, što mužčynskija sny adroźnivajucca ahresiŭnaściu i dynamizmam, a žanočyja sny bolš detalovyja i ramantyčnyja. Dziejańnie ŭ mužčynskich snach, jak praviła, adbyvajecca pa-za domam, na vulicy, a ŭ žanočych, naadvarot, u pamiaškańniach. Mužčynam śniacca ramany ź nieznajomkaj i sceny hvałtu, a žančyn čaściej mučać kašmary i tryvožnyja sny.
Pa-roznamu pavodziać siabie mužčyny i žančyny paśla snu. Tak, pradstaŭnikoŭ mocnaha połu mała chvaluje ŭbačanaje ŭ śnie, jany zasiarodžvajucca na tym, što adbyvajecca ŭ dadzieny momant. Žančyny, naadvarot, sprabujuć razhadać značeńnie snu, źviazać jaho z realnym žyćciom.