Centralnaja vybarčaja kamisija Nihieryi aficyjna pryznała Machamadu Buchary pieramožcam na prezidenckich vybarach, jakija prajšli 28 sakavika.
Pavodle kančatkovych dadzienych padliku biuleteniaŭ, Buchary nabraŭ amal na 2,5 młn hałasoŭ bolš, čym jaho hałoŭny supiernik Hudłak Džonatan.
Heta pieršy vypadak u historyi Nihieryi, kali ŭłada pierachodzić da apazycyjnaha lidara ŭ vyniku demakratyčnych vybaraŭ.
Džonatan zaklikaŭ niezadavolenych vynikami hałasavańnia pavažać kanstytucyjny praces. Buchary, u svaju čarhu, paprasiŭ svaich prychilnikaŭ nie abražać apanientaŭ.
72-hadovy Buchary ŭžo čaćviorty raz bałatavaŭsia na pasadu prezidenta.
Jon kiravaŭ Nihieryjaj z studzienia 1984 pa žnivień 1985 hoda, pryniaŭšy pasadu paśla vajennaha pieravarotu ŭ śniežni 1983 hoda.
