Internaŭty znajšli čałavieka, jakoha paśpieli achryścić «samym seksualnym nastaŭnikam matematyki».
Nastaŭnik Pjetra Baseli padčas lekcyi va Univiersiteckim kaledžy Łondana.
Adkryćcio zrabiŭ małazijski student Univiersiteckaha kaledža Łondana Aryjef Aźli. Aźli daviedaŭsia, što ŭ volny ad zaniatkaŭ čas jaho nastaŭnik matematyki Pjetra Baseli vielmi paśpiachova zajmajecca madelnym biznesam. Pry hetym paziruje Baseli ŭ asnoŭnym z aholenym torsam ci ŭvohule raspranutym (prykryŭšysia radyjataram aciapleńnia).
U profili ŭ Instagram Baseli paznačana, što jon maje stupień doktara fiłasofii pa inžyniernaj spravie, a taksama što jon «apantany treniroŭkami».
Heta nie pieršy raz, kali karystalniki sieciva znachodziać «samaha seksualnaha» kahości. Tak, u minułym hodzie ŭ ZŠA byŭ adšukany «samy seksualny złačynca», 31-hadovy Džeremi Miks. Jaho fota z palicejskaha ŭčastku zrabiła jaho zorkaj litaralna za niekalki dzion. Na žal, papularnaść nie dapamahła Miksu paźbiehnuć pakarańnia: niadaŭna jaho asudzili na 2 hady pazbaŭleńnia voli.
