Słovy «bieskantaktnyja karta» i «validatar» z učorašniaha dnia ŭvajšli va ŭžytak i pasažyraŭ pryharadnych maršrutaŭ.
sb.by
Dla tych, chto vyjazdžaje za miežy Minska, miechanizm apłaty prajezdu budzie inšym, čym dla tych, chto kalasić pa haradskich maršrutach. Samaje istotnaje adroźnieńnie: bieskantaktny prajazny dakumient treba prykłaści dvojčy (nie tolki pry ŭvachodzie, ale i abaviazkova pry vychadzie).
U Minsktransie tłumačać: pakolki košt prajezdu na pryharadnych maršrutach zaležyć ad adlehłaści, pasažyr, jaki nie «zakampastavaŭ» prajazny dakumient paŭtorna, aŭtamatyčna apłacić prajezd pa maksimumu — až da kancavoha punkta.
Ci dastatkova ŭ vas na bałansie srodkaŭ, padkaža tabło validatara. Kali tam zamiest nadpisu «kancavy» źjaviłasia ličba, jakaja paznačaje numar prypynačnaha punkta, raim źvierycca z rasšyfroŭkaj, raźmieščanaj u sałonie kožnaha pryharadnaha aŭtobusa. Jany padkažuć, kudy vy možacie dabracca biez dapłaty. Jedziecie dalej? Źviarniciesia da kiroŭcy za kvitkom.
Transpartniki padkreślivajuć: aŭtamatyzavanaja sistema apłaty i kantrolu prajezdu na pryharadnych maršrutach budzie dziejničać nie zamiest tradycyjnaj sistemy, a razam ź joj. Kupić bieskantaktnyja karty i papoŭnić bałans pakul možna tolki ŭ miescach prodažu pryharadnych kvitkoŭ. Razam z takim prajaznym dakumientam vydaduć i śpiecyjalnuju pamiatku.
