1 krasavika ličycca dniom rozyhryšaŭ i žartaŭ jak minimum ź Siarediaviečča. Nie zastajucca ŭ baku ad tradycyi i ludzi ŭ vajskovaj formie.
«Fota» US Army.
Adnym ź pieršych zafiksavanych vajskovych pieršakrasavickich žartaŭ byŭ palot francuzskaha piłota nad niamieckimi pazicyjami ŭ 1915 hodzie (padčas Pieršaj suśvietnaj vajny). Piłot skinuŭ vialikuju bombu, ad jakoj niemcy raźbiehlisia ŭ roznyja baki. Vybuchu nie było, a na miescy padzieńnia «bomby» žaŭniery znajšli vialiki miač z nadpisam «Krasavicki durań».
Paźniej tak žartavali avijatary mnohich inšych armij.
Žartvali i vajskovyja ŚMI. Hetak u 1980 hodzie časopis brytanskaj armii Soldier 1 krasavika nadrukavaŭ artykuł, što hvardziejcam prychodzicca rehularna padstryhać svaje šapki z futra miadźviedziaŭ, bo z-za niejkaha zahadkavaha harmonu futra praciahvaje raści.
U hetym hodzie vajskoŭcy niekatorych krain taksama vyrašyli razyhrać davierlivych čytačoŭ.
U Šviejcaryi abviaścili viartańnie na ŭzbrajeńnie piachoty rovaraŭ, bo heta palepšyć fizičnyja jakaści žaŭnieraŭ. Piachota na rovarach zmoža prajści tam, kudy nie dojduć BMP i BTR, da taho ž rovary nie vydajuć siabie šumam, dadaŭ praŭdstaŭnik Ministerstva abarony.
Vajskoŭcam na pieradavoj picu buduć dastaŭlać bieśpiłotniki, paviedamiŭ učora aficyjny sajt Suchaputnych sił ZŠA. Pryčym raspaviadałasia, što picu buduć razdrukoŭvać na 3D-prynterach.
Izrailskaja avijacyja adbiła mahčymuju ataku inšapłanietnych ahresaraŭ, vykarystaŭšy svaich chakieraŭ, było napisana ŭ zahałoŭku naviny ŭ aficyjnym błohu Siłaŭ Abarony Izraila. Praŭda, u samim tekście adznačałasia, što heta byŭ fantastyčny scenar realnych vučeńniaŭ dla padrazdździaleńniaŭ kibierbiaśpieki.
Učora ministerstva abarony Francyi abviaściła, što znakamitaja piłatažnaja hrupa Patrouille de France pieraapraniecca z francuzskaj vajskovaj uniformy ŭ kolery francuzskaj federacyi rehbi - čorny i ružovy ŭ miežach prahramy pa supracoŭnictvu dźviuch arhanizacyj.
A jašče 1 krasavika 2015 hoda suchaputnyja vojski ZŠA zrabili bolš miakkimi statutnyja abmiežavańni, što da tatuirovak na ciele svaich słužboŭcaŭ — ciapier ich moža być kolki zaŭhodna, aby nie było bačna z-pad formy. Zabaronienyja całkam tolki źnievažalnyja, parnahrafičnyja i rasisckija tatu.
Mnohija žaŭniery pryniali hetuju navinu za pieršakrasavicki žart. U vyniku Hałoŭnamu siaržantu suchaputnych vojsk ZŠA pryjšłosia adkazvać na pytańni hazety Army Times: «My nie abirali Dzień durnia śpiecyjalna». Zrešty, dadaŭ jon, usie stanie zrazumiełym užo 2 krasavika.
