Pieramovy «šaściorki» nakont Irana zaviaršylisia paśpiachova. Pra heta ŭ čaćvier, 2 krasavika, paviedamiŭ u svaim tvitary kiraŭnik MZS Irana Džavad Zaryf.
Paźniej ab pośpiechu było abvieščana na pres-kanfierencyi kiraŭnikoŭ dypłamatyi. Padpisana papiaredniaje pahadnieńnie ab ramkach finalnaj damoŭlenaści. Jana, u svaju čarhu, pavinna być dasiahnuta ŭ kanca červienia. Data, paśla jakoj Iran znoŭ zmoža ekspartavać naftu ŭ poŭnym abjomie, budzie vyznačanaja ŭ finalnym pahadnieńni.
Pieramovy z pradstaŭnikami Irana pa pytańni ab jadziernaj prahramie viali dypłamaty tak zvanaj «Hrupy 5+1» abo «šaściorki mižnarodnych pasiarednikaŭ» (P5+1 abo ES/EU+3), u jakuju ŭvajšli pastajannyja členy Rady biaśpieki AAN ZŠA, Rasija, Kitaj, Vialikabrytanija i Francyja, a taksama Hiermanija.
U tym vypadku, kali pieramovy projduć udała, ź Irana mohuć źniać sankcyi, a heta paciahnie za saboj pavieličeńnie prapanovy na naftavym rynku.
Raniej na hetym tydni suśvietnyja ceny na naftu prykmietna ŭpali na fonie pieramovaŭ Irana i «šaściorki» suśvietnych dziaržaŭ pa iranskaj jadziernaj prahramie.