Słužyŭ ajciec Alaksandr Šramko. Ludziej było nie nadta šmat: bolšaść ludziej adstajała ŭsianočnuju, a biełaruskamoŭnaja słužba išła ŭranku. Usiaho razdali sto biełaruskamoŭnych «Simvałaŭ viery». Heta «prychadžanam i zachadžanam», jak pišuć udzielniki słužby ŭ Fejsbuku.
«Na maju dumku, usio vydatna. Chor kruciecki, ajciec Alaksandr usio tak vyrazna i dastupna čytaŭ i pramaŭlaŭ, na paschalnaje vitańnie bolšaść adkazvała «sapraŭdy ŭvaskros!». I nadvorje spryjała», — piša Maryna Kaciarynič.
«Majoj žonki chresnaja dačka pieršy raz była ŭ chramie ŭsiu liturhiju. Zadavała šmat pytańniaŭ, pajšła da pryčaścia. Čym nie padzieja? Tre' budzie ŭvieś čas pryjazdžać na biełaruskija liturhii, bo maci i babula, prynamsi, razumieli, za što molacca. Jak bač, z zachadžanaŭ prychadžanami stanuć», — dadaje Alaksiej Kazłoŭski.
Pravasłaŭnyja adśviatkavali sioleta Vialikdzień 12 krasavika, kataliki j pratestanty — 5-ha.
