NY Times
Jak paviedamlaje ŭ paniadziełak telekanał CNN, kandydat u prezidenty ZŠA Chiłary Klintan žorstka vykazvałasia pra jeŭrapiejskich lidaraŭ za ich pazicyju nakont kanfliktu na ŭschodzie Ukrainy i staŭleńnie da Uładzimira Pucina.
Pra heta stała viadoma ad mera Łondana Barysa Džonsana, jaki pierakazaŭ słovy Klintan na śniadanku sajta Politico ŭ Vašynhtonie.
Džonsan raspavioŭ, što jaho ŭraziła nastojlivaść, ź jakoj Chiłary Klintan kazała pra toje, jak Jeŭropa pavinna supraćstajać prezidentu Rasii.
«Da adnoj dumki jana viartałasia i viartałasia. Jeŭrapiejcy, na jaje dumku, viaduć siabie jak słabaki ŭ adnosinach z Pucinym», — zhadaŭ jon, dadaŭšy, što heta nie dasłoŭnaja cytata, a pierakaz ich dziełavoj sustrečy, jakaja adbyłasia za dva dni da hetaha.
Akramia hetaha, mer Łondana adznačyŭ «majsterstva» Klintan u źniešniaj palitycy.
«Hałoŭnaj temaj dla jaje byŭ Pucin. Kali za im nie sačyć i nie kidać jamu vyklik, jon praciahnie pašyrać upłyŭ pa pierymietry byłoha Savieckaha Sajuza. Jana z tryvohaj kazała ab Estonii i inšych bałtyjskich krainach. Mianie heta ŭraziła», — praciahnuŭ jon.
Chiłary Klintan 12 krasavika aficyjna abviaściła pra svajo rašeńnie bałatavacca na pasadu prezidenta ZŠA.
