Naviedać mahiły rodnych u biełaruskich zonach adsialeńnia i adčužeńnia bieź śpiecyjalnych dakumientaŭ možna budzie 18-21 krasavika, paviedamili ŭ Dziaržaŭnym pamiežnym kamitecie Biełarusi.
«Napiaredadni Radaŭnicy na «zakrytyja» ŭčastki Homielskaj vobłaści možna budzie prajechać bieź śpiecyjalnych dakumientaŭ, dastatkova mieć pry sabie tolki pašpart. Tym, chto prybyvaje na mašynie, pryjdziecca pradjavić paśviedčańnie kiroŭcy. Achvotnych skarystacca takoj mahčymaściu zvyčajna kala 11-14 tysiač čałaviek», — raspaviali ŭ pamiežnym viedamstvie.
Akramia taho, kab naviedać mahiły ŭ Brahinskim, Naraŭlanskim i Chojnickim rajonach, nieabchodna atrymać u sielsaviecie daviedku ab tym, što ŭ hetych miescach pachavanyja svajaki. Kali takoha dakumienta niama, to nieabchodna budzie zapłacić pošlinu, roŭnuju 0,2 bazavaj vieličyni.
