Neuro Dubel admianiaje aŭtohraf-siesiju, jakaja pavinna była prajści 15 krasavika ŭ minskaj kramie «Muzyka» pa vulicy Jakuba Kołasa, 39. Pryčynaj admieny mierapryjemstva staŭ insult lidara hurtu Alaksandra Kulinkoviča. Pra hetyja prablemy sa zdaroŭjem biełaruskaha muzyki paviedamlaje Onliner.by
Nahadajem, što 10 krasavika ŭ kłubie «Repablik» prajšła prezientacyja novaha alboma hurtu «Na Mars!». Kancert, jaki pačaŭsia ź vialikim spaźnieńniem, adznačyŭsia dalokim ad daskanałaści vykanańniem i nie zusim adekvatnymi pavodzinami lidara hurtu. Tym nie mienš, albom byŭ davoli pryjazna pryniaty publikaj.
U kamientary Anłajnieru Kulinkovič zajaviŭ, što jamu stała błaha ŭ hrymiorcy pierad vychadam na scenu. «Ščyra kažučy, ja nie razumieŭ, što sa mnoj adbyvajecca: ja ničoha nie pamiataŭ i nie aryjentavaŭsia, dzie znachodžusia. Niejak prastajaŭ — vyhladaŭ jak vielmi pjany».
Muzyka skazaŭ, što pierad vystupam krychu vypiŭ kańjaku, ale heta była nie taja doza, ad jakoj možna tak vyhladać.
Tolki siońnia ranicaj miedyki dyjahnastavali ŭ jaho mikrainsult.
Čytajcie taksama: Hałoŭny pank Biełarusi Alaksandr Kulinkovič raskazvaje pra radaści PTV, ałkahol, «Ruś pravasłaŭnuju» dy inšaje — intervju
