Prakuraturaj Minskaj vobłaści ŭ abłasny sud nakiravanaja kryminalnaja sprava ŭ dačynieńni da nieadnarazova sudzimaha 45-hadovaha žychara Barysaŭskaha rajona. Złačynstva było ŭčynienaje ŭ vieraśni 2014 hoda.
Jak paviedamiŭ namieśnik načalnika adździeła abłasnoj prakuratury pa nahladzie za vykanańniem zakanadaŭstva USK pa Minskaj vobłaści Taćciana Nachodka, mužčyna abvinavačvajecca va ŭčynieńni naŭmysnaha zabojstva z asablivaj žorstkaściu 83-hadovaha adnaviaskoŭca i ŭ zamachu na naŭmysnaje źniščeńnie i paškodžańnie majomaści šlacham padpału, jakija paciahnuli pryčynieńnie ŭronu ŭ asabliva bujnym pamiery.
Papiaredniaje rasśledavańnie hetaj kryminalnaj spravy pravodziłasia USK pa Minskaj vobłaści.
Pavodle vystaŭlenaha abvinavačańnia mužčyna, vyzvaliŭšysia letam 2014 hoda ź miescaŭ pazbaŭleńnia voli, u adzin ź dzion vieraśnia, znachodziačysia ŭ stanie ałkaholnaha apjanieńnia, zajšoŭ u dom da sastarełaha adnaviaskoŭca, ź jakim byŭ znajomy ź dziacinstva. Padčas svarki, što ŭźnikła pamiž imi, mužčyna nanios pažyłomu čałavieku šmatlikija ŭdary rukami, nahami i nažnicami ŭ vobłaść hałavy, tułava i ruk, paśla čaho zdušyŭ šyju paciarpiełaha rukami, pryčyniŭšy ciažkija cialesnyja paškodžańni ŭ vyhladzie zakrytaj čerapna-mazhavoj traŭmy: krovaźlićcia ŭ miakkija tkanki hałavy i hałaŭnoha mozhu, pierałomu padjazyčnaj kości i chrastkoŭ hartani, krovaźlićcia ŭ hałasavuju źviazku i myšcu jazyka. Ad atrymanych traŭm paciarpieły pamior na miescy.
Žadajučy zamieści ślady zabojstva, abvinavačany padpaliŭ dom, a taksama majomaść u im na ahulnuju sumu bolš jak 260 młn rubloŭ. Davieści złačynstva da kanca jon nie zmoh, bo ahoń ubačyli adnaviaskoŭcy i vyklikali pažarnych.
Za naŭmysnaje zabojstva sastarełaj asoby, učynienaje z asablivaj žorstkaściu, moža być pryznačanaje pakarańnie ŭ vyhladzie pazbaŭleńnia voli da 25 hadoŭ, ci pažyćciovaha źniavoleńnia, ci śmiarotnaj kary.
Kryminalnym zakanadaŭstvam za zamach na naŭmysnaje źniščeńnie majomaści, učynienaje ahulnaniebiaśpiečnym sposabam, jakoje paciahnuła pryčynieńnie ŭronu ŭ asabliva bujnym pamiery, praduhledžana da 12 hadoŭ pazbaŭleńnia voli.
