Abnoŭleny skład biełaruskaha ŭrada ŭžo šmat zrabiŭ dla narmalizacyi situacyi na ŭnutranym spažyvieckim rynku krainy, adnak pracy napieradzie jašče dastatkova.
Takoje mierkavańnie vykazaŭ siońnia žurnalistam premjer-ministr Andrej Kabiakoŭ.
Kiraŭnik urada nahadaŭ, što ŭ kancy minułaha hoda adbyłosia prykmietnaje pasłableńnie valut krain — partnioraŭ Biełarusi, z pryčyny čaho respublicy taksama daviałosia prymać peŭnyja miery pa karekcyi kursu biełaruskaha rubla.
«Ci ŭsio zrabiŭ urad? Viadoma, nie, — miarkuje premjer. — Zadavalnieńnie ad vynikaŭ pakul, na žal, jašče nie nastupiła.
Ale, na naš pohlad, samaje hałoŭnaje, što my ŭsio ž zdoleli zrabić,— heta toje, što my pryviali ekanomiku ŭ situacyju, kali my žyviem pa vynikach pracy i pracujem u adpaviednaści z našymi mahčymaściami».
Takim čynam, padkreśliŭ premjer-ministr, pryviedzieny ŭ adpaviednaść fundamientalnyja pryncypy dla taho, kab ajčynnaja ekanomika znachodziłasia ŭ adnosnym bałansie i mieła mahčymaść u dalejšym raźvivacca na zdarovaj asnovie