Praktyku arhanizacyi vypusknych ekzamienaŭ u škole, kali baćki rychtujuć kvietki dla ekzamienataraŭ, nakryvajuć stały (cukierki, buterbrody, vadu) treba vykaraniać.
Pra heta paviedamiła načalnik upraŭleńnia ahulnaj siaredniaj adukacyi Ministerstva adukacyi Śviatłana Uklejka ŭ čas anłajn-kanfierencyi «Ustupnaja kampanija-2015» na sajcie BiełTA.
«Heta jakraz toj vypadak, kali tradycyja nie zrazumieła adkul uźnikła i jak stvarałasia. Hetaha ŭ pryncypie nielha rabić. I nie treba chadzić za dośviedam u inšyja krainy. U nas u respublicy ŭžo davoli šmat ustanoŭ, jakija ŭ siabie hetu situacyju pryncypova ahavorvajuć», — skazała Śviatłana Uklejka.
Jana taksama dadała, što pryjom ekzamienaŭ dla nastaŭnika — heta rabota, jakaja prapisana słužbovymi abaviazkami, praviłami ŭnutranaha pracoŭnaha rasparadku. «Usio adbyvajecca ŭ ramkach rabočaha času», — padkreśliła načalnik upraŭleńnia.
Śviatłana Uklejka taksama adznačyła, što ŭ ministerstva, na žal, pastupajuć takija zvaroty. Choć treba addać naležnaje: za apošni čas ich stanovicca mienš.
