Abjadnanaja hramadzianskaja partyja (AHP) prosić u vybarščykaŭ pradastavić pretendentu na rolu kandydata ŭ prezidenty, svajmu lidaru Anatolu Labiedźku kredyt davieru, uziaŭšy ŭdzieł u finansavańni jaho vybarčaj kampanii, a taksama ŭ vałanciorskaj pracy. Ab hetym było zajaŭlena 28 krasavika ŭ Minsku na pres-kanfierencyi kiraŭnictva partyi.
Łabiedźka nahadaŭ, što źjezd AHP jašče ŭ mai minułaha hoda pryniaŭ rašeńnie vyłučać jaho kandydatam u prezidenty na vybarach 2015 hoda. Siońnia hetaje rašeńnie było paćvierdžana palitsavietam arhanizacyi.
Palityk paviedamiŭ, što farmiravańnie inicyjatyŭnaj hrupy kandydata ŭ prezidenty budzie prachodzić na vałanciorskich pačatkach. «Užo daŭno ŭ Biełarusi nie pravodzilisia vybarčyja kampanii nie za hrošy. My budziem źviartacca da ludziej, jakija zacikaŭleny ŭ pieramienach, prasić u ich kredyt palityčnaha davieru», — skazaŭ jon.
Pavodle słoŭ Labiedźki, AHP kiravałasia niekalkimi arhumientami, prymajučy rašeńnie ŭdzielničać u vybarčaj kampanii hetaha hoda. Pa-pieršaje, u partyi jość palityčnaja vola nie dapuścić lehitymizacyi vynikaŭ vybarčaj kampanii biez praviadzieńnia spraviadlivych vybaraŭ. Pa-druhoje, adznačyŭ palityk, AHP hatova rabić usio, kab «nie zdać palityčny i ekanamičny suvierenitet» Biełarusi. Pa-treciaje, partyja spadziajecca vyjści na farmiravańnie šyrokaha ruchu dla źmianieńnia situacyi ŭ krainie.
Labiedźka taksama padkreśliŭ, što padčas vybarčaj kampanii jaho kamanda nie źbirajecca padstrojvacca pad «trendy ni ŭłady, ni Uschodu, ni Zachadu». «My nie hatovy damaŭlacca z uładami ŭzamien na niejkija prefierencyi padčas parłamienckich vybaraŭ 2016 hoda», — skazaŭ jon.
Labiedźka prainfarmavaŭ, što siońnia było pryniata rašeńnie ab pryznačeńni kiraŭnikom vybarčaha štaba namieśnika staršyni partyi Lva Marholina, kiraŭnikom inicyjatyŭnaj hrupy pa zbory podpisaŭ — člena palitsavieta Viktara Karniajenki.
Labiedźka adznačyŭ, što sioleta jamu, jak apazicyjnamu kandydatu, budzie składana prajści «rubikon rehistracyi». «Vierahodna, na hetych vybarach ułady nie buduć tak łajalna padychodzić da rehistracyi kandydataŭ u prezidenty. Ale navat kali nas zarehistrujuć, my pakidajem za saboj pole palityčnaha manieŭra. My ŭ luby momant možam źniacca z vybarčaj kampanii», — skazaŭ jon.