U čarnobylskaj zonie harać 4 kvadratnyja kiłamietry lesu, tarfianikaŭ i paloŭ. Pažar padychodziŭ za 20 km ad sarkafaha stancyi. A pa stanie na aŭtorak pažar pryjšoŭ na tarfianik za 8 km na zachad ad horada Prypiać i moža zatrymacca tam nadoŭha, vykidvajučy vialikuju kolkaść dymu.
Paŭdniovy viecier u aŭtorak znosiŭ «šlejf dymu na terytoryju Biełarusi ŭ bok Śvietłahorska, Žłobina, Babrujska, Mahilova», — zaścierahaje kiraŭnik lasnoj prahramy «Hrynpis Rasii» Alaksiej Jarašenka.
Paviedamleńnie pra pažar pastupiła ŭ Słužbu vyratavańnia Kijeŭskaj vobłaści 28 krasavika ŭ druhoj pałovie dnia. Ukrainskija ŭłady nakiravali na likvidacyju pažaru nie tolki siły MNS, ale i Nacyjanalnaj hvardyi. U Čarnobylskuju zonu vylecieŭ premjer-ministr krainy Arsień Jacaniuk. Da viečara situacyju ŭdałosia ŭziać pad kantrol, radyjacyjny fon u Kijevie nie źmianiŭsia.
Premjer-ministr Arsień Jacaniuk paviedamiŭ, što heta samy mocny pažar u čarnobylskaj zonie z 1992 hoda.
Ministr unutranych spraŭ Arsien Avakaŭ zajaviŭ ab abhruntavanaści viersii padpału lesu. Jon adznačyŭ, što pažar bušavaŭ za 5 km ad mohilnikaŭ radyjeaktyŭnych adchodaŭ.
U Minsku 28 krasavika pry suchim nadvorji dźmuŭ lohki paŭdniovy viecier, adnak dniom 29 krasavika ŭ suviazi z prachodžańniem daždžlivaha chałodnaha frontu jon źmienicca na paŭnočna-zachodni. U Čarnobylskaj zonie viecier źmienicca na paŭnočna-zachodni ŭ sieradu ŭviečary.
MNS pa Homielskaj vobłaści adsočvaje situacyju. Pa stanie na viečar aŭtorka radyjacyjny fon u Biełarusi nie pavyšaŭsia.
