Kala ambasady Rasii ŭ Minsku 29 krasavika byli zatrymanyja hramadskija aktyvistki Volha Nikałajčyk i Kaciaryna Sadoŭskaja, a taksama žurnalisty polskaha telekanała «Biełsat», paviedamlaje pravaabarončy sajt spring96.org.
Pavodle infarmacyi pravaabaroncaŭ, zatrymańnie adbyłosia prykładna ŭ 15.00. U žurnalistaŭ pierapisali pašpartnyja dadzienyja i adpuścili, a Nikałajčyk i Sadoŭskuju pavieźli ŭ Centralny RUUS Minska. Pryčyny zatrymańnia pakul nieviadomyja.
U pasolstvie Rasii BiełaPAN paćvierdzili, što takaja padzieja mieła miesca. «Kala 15.00 da ambasady padyšli dźvie damy. Niejkaja razmova [z achovaj] adbyłasia. U vyniku jany pakinuli kala ŭvachodu ŭ ambasadu niejki pakiet i pajšli ad ambasady. Milicyjant, jaki ŭbačyŭ, što jany niešta pakinuli, vykonvajučy słužbovyja instrukcyi, dahnaŭ hetych žančyn i spyniŭ», — raspavioŭ supracoŭnik rasijskaj dypmisii.
Znajomyja Volhi Nikałajčyk paviedamili ŭ Facebook, što jana nibyta znajšła na Kurhanie Słavy pad tankam kaśmietyčku, jakaja naležyć rasiejskim bajkieram z kłuba «Načnyja vaŭki» — udzielnikam motaprabiehu «Darohi Pieramohi», jakija naviedali miemaryjał 26 krasavika. Paraiŭšysia ź siabrami, Nikałajčyk vyrašyła adnieści znachodku ŭ pasolstva RF, kab supracoŭniki pieradali kaśmietyčku haspadaram. Kala budynku ambasady achoŭnik zabraŭ u aktyvistki pašpart, a mašyna, na jakoj jana ź siabrami pryjechała, była zabłakavanaja na stajancy. Telefon Nikałajčyk ŭ ciapierašni čas adklučany.
Jak paviedamlaje Biełsat, u «kaśmietyčcy» z emblemaju rasijskaha bajkierskaha kłuba byli ŭ tym liku pančochi i karunkavyja majtki.
