Padčas słužby havaryłasia, što ajciec Nadsan — śvietły čałaviek vialikaj dušy i pamiać pra jaho budzie nazaŭsiody ŭ tych, chto jaho viedaŭ i tych, kamu jon dapamahaŭ. Staršynia Rady BNR Ivonka Surviła skazała, što jana ź vialikim žalem raźvitvajecca z ajcom Alaksandram, ale taksama i z radaściu za toje, što Biełaruś maje takich ludziej, jakija svaim prykładam dajuć peŭnuju nadzieju na toje, što Biełaruś budzie volnaj.
Brajan Bieniet, były ambasadar Vialikabrytanii ŭ Biełarusi, a ciapier kiraŭnik Anhła-biełaruskaha tavarystva padčas raźvitańnia kazaŭ pra nadzvyčaj važnuju rolu ŭ žyćci biełaruskaj dyjaspary, jakuju adyhryvaŭ ajciec Alaksandar Nadsan.
Apostalski vizitatar dla biełarusaŭ-katolikaŭ u zamiežžy a. Alaksandr Nadsan znajšoŭ svoj apošni spačyn na najvialikšych u Vialikabrytanii što da kolkaści pachavańniaŭ mohiłkach śviatoha Pankrata ŭ Łondanie. Tam pachavanyja biełaruski hreka-katalicki biskup Česłaŭ Sipovič, archimandryt Leŭ Haroška, ajciec Jazep Hiermanovič, ajciec Tamaš Padziava, ajciec Fieliks Žurnia, ajciec Kastuś Maskalik, a taksama i inšyja biełaruskija dziejačy.
Ajciec Alaksandar Nadsan pamior u Łondanie 15 krasavika.
Hladzi taksama: Zapaviet ajca Alaksandra Nadsana
