Prezidenckija vybary ŭ Biełarusi — heta zaŭsiody sproba źmieny palityčnaha kursu, zajaviła staršynia Centralnaj kamisii pa vybarach i praviadzieńni respublikanskich refierendumaŭ Lidzija Jarmošyna 30 krasavika na sustrečy z pradstaŭnikami Biełaruskaha respublikanskaha sajuza moładzi.
Vialikaja cikavaść da prezidenckich vybaraŭ u Biełarusi z boku krain jak blizkaha, tak i dalokaha zamiežža vyklikana pierš za ŭsio asobaj hałoŭnaha kandydata na pasadu kiraŭnika dziaržavy, jakoj źjaŭlajecca dziejny prezident, skazała Jarmošyna.
«Mahutnym jeŭrapiejskim hulcam, i pierš za ŭsio hałoŭnamu hulcu — Złučanym Štatam, niaŭhodnaja jaho cikavaja i charyzmatyčnaja asoba, — zajaviła kiraŭnik CVK. — Čamu? Tamu, što ŭsie dziaržavy, jakija blizkija da Rasii i źjaŭlajucca jaje najbližejšymi sajuźnikami, zaŭsiody znachodziacca ŭ poli niezadavolenaści bolš mahutnych dziaržaŭ, jakija platuć intryhi suprać Rasijskaj Fiederacyi. Tamu vybary ŭ našaj krainie — heta zaŭsiody sproba źmieny palityčnaha kursu».
Kiraŭnik CVK padkreśliła, što «za tymi chvalavańniami, jakija pravakuje praviadzieńnie vybaraŭ, zaŭsiody staić arhanizacyja».
«Kali mnie kažuć, što ŭ Kijevie na Majdan narod ściakaŭsia pa ŭłasnaj voli, ja heta ŭsprymaju jak tryźnieńnie i hłupstva, jakoje vykazvajuć abo naiŭnyja ludzi, abo durni, — skazała jana.
— Niama nijakaj vypadkovaj, stychijna sfarmiravanaj voli naroda. Moža, tam, dzie prachodziać hałodnyja bunty, dzie nie chapaje praduktaŭ, niejkaja častka chatnich haspadyń mohuć vyjści z kastrulami na vulicu. Ale, u pryncypie, usie chvalavańni, niachaj i dastatkova surjoznyja, zaŭsiody arhanizujucca i adbyvajucca za čyje-niebudź srodki, i da hetaha, viadoma, pryciahvajucca mižnarodnyja siły».
Pavodle słoŭ Jarmošynaj, cikavaść da biełaruskich vybaraŭ pierš za ŭsio vyklikanaja tym, što źniešnich partnioraŭ «zaŭsiody cikavić, chto ž pryjdzie da ŭłady i jaki kurs budzie ŭ tranzitnaj krainy, krainy, jakaja zajmaje važnaje hieapalityčnaje stanovišča, najbližejšaha sajuźnika Rasii».
«U hetym i sproba paŭpłyvać na hetyja pracesy, prymusić uładu dziejničać u tym ci inšym klučy, jaki budzie daspadoby jeŭrapiejskim hulcam», — dadała jana.