Lidara francuzskaha «Nacyjanalnaha frontu» nazvali «hałoŭnym fašystam».
Udzielnicy ruchu Femen zrabili sprobu pieraškodzić Maryn Le Pen uskłaści vianok da pomnika Žanny d'Ark ŭ Paryžy, paviedamlaje Le Figaro.
Niekalkich napaŭaholenych aktyvistak, śpiny i hrudzi jakich upryhožvali nadpisy «Le Pen - hałoŭny fašyst», apieratyŭna skruciła achova, piša Lenta.ru.
Paśla hetaha jašče try udzielnicy Femen pasprabavali pieraškodzić Le Pen vystupać z pramovaj na płoščy Opiery. Uzbroiŭšysia miehafonami, z bałkona adnaho z damoŭ jany vitali lidara nacyjanalistyčnaj partyi žestami časoŭ nacysckaj Hiermanii. Na hrudziach u aktyvistak Femen było napisana Heil le Pen. Akcyju spynili supracoŭniki słužby biaśpieki.
Dzień Žanny d'Ark adznačajecca siabrami «Nacfronta» u jakaści partyjnaha śviata z 1989 hoda pa inicyjatyvie stvaralnika partyi i baćki ciapierašniaha jaho lidara Žan-Mary Le Pena. Sam zasnavalnik partyi nie ŭdzielničaŭ u demanstracyi, ale zatym źjaviŭsia na płoščy la pomnika nacyjanalnaj hieraini Francyi. Adsutnaść Žan-Mary Le Pena źviazvajuć z astudžeńniem jaho adnosin z dačkoj, što adbyŭsia na fonie jaho zajaŭ ab Druhoj suśvietnaj vajnie, jakija nie adpaviadajuć kursie partyi pad kiraŭnictvam Maryn Le Pen.