«My ŭdziačnyja ŭsim, — cytuje list Tribuna.com. — Ad sotniaŭ šarahovych zaŭziataraŭ, jakija ŭ hetyja hadziny jeduć u Ostravu na «CEZ-Arenu», da kuratara nacyjanalnaj kamandy Arkadzija Ratenbierha, jaki pavodle dobraj tradycyi davaŭ nakaz zbornaj na mahile lehiendarnaha Valeryja Charłamava.
(…)
Vialikaja cikavaść da zbornaj, što jašče na minułaj Alimpijadzie pieražyvała nialohkija časy, kaža pra toje, što ajčynnamu chakieju na čale z novaj nacyjanalnaj kamandaj udałosia zrabić vialiki krok napierad.
Peŭnyja, hety krok byŭ by niemahčymy biez pavahi da svajoj historyi, bieź lubovi da, cytujučy vialikaha rasijskaha paeta, baćkoŭskich trunaŭ [u aryhinale — k otiečieskim hrobam — NN].
Paśla załatoha Minska-2014 my kančatkova raźvitalisia sa smutnym časam, kali vialiki chakiej vialikaj krainy sychodziŭ u maleńkaje načnoje žyćcio — u NCHŁ i ŭ internet. Kali hora-refarmatary prapanoŭvali pravodzić suśvietnyja pieršynstvy raz u čatyry hady.
Kali chakiejnuju Jeŭropu i pierš za ŭsio Rasiju faktyčna padvodzili da samalikvidacyi, da spartyŭnaha «Majdanu» …
Zrešty, Minsk zastaŭsia ŭ historyi. Napieradzie ŭ zbornaj Rasii jašče bolš kankurentny turnir, na jaki šmatlikija supierniki źbirajuć najlepšyja składy i prahnuć revanšu. Tady jak u našaj kamandy z-za epidemii traŭmaŭ jość istotnyja straty.
Vydatna razumiejem, što paŭtaryć pieramožny pachod-2014 budzie jak nikoli ciažka. Tym nie mienš zbornaja Rasii zrobić usio mahčymaje, kab u siaredzinie maja paradavać 140-miljonnuju krainu.
Znoŭ raźličvajem na toje dziŭnaje, mahičnaje jadnańnie naroda i jaho zbornaj, bieź jakoha naš letašni pośpiech byŭ by niemahčymy.
(…)
Abiacajem zhulać u Čechii ščyra, kambinacyjna, jarasna. Tak, jak vučyli našy baćki. Tak, jak hulali našy dziady… Da sustrečy. Vaša zbornaja Rasii».
***
Zbornaja Rasii startuje na turniry ŭ piatnicu viečaram matčam suprać Narviehii (21:15).
Zbornaja Biełarusi 2 maja zhulaje sa Słavienijaj (17:15), 3 maja — sa Słavakijaj (17:15).
A voś ironija losu. Matč Biełaruś — Rasija projdzie 9 maja (13:15) — na Dzień Pieramohi.
Kolki emocyj budzie i pa adzin bok miažy, i tym bolš pa druhi bok, z uschodu.
