Kali pačynać zahinać palcy i ličyć, to ŭ Hłybokim, akazvajecca, sa dva dziasiatki pomnikaŭ i skulpturnych kampazicyj. Zastałosia jašče dva z troch niekali pomnikaŭ Leninu, jość Dziaržynski (nasuprać kałonii), Jezus i samarycianka, pomnik baronu Miunchhaŭzienu, Aleja Słavy…
Da 1 Maja Hłybokaje papoŭniłasia jašče adnoj skulpturaj — rabočaha ź siarpom i mołatam. Ustalavali jaje nasuprać chlebazavoda, a možna skazać, što i nasuprać małočna-kansiervavaha kambinata. To bok pamiž dvuma pradpryjemstvami. Skulpturu pryciahnuli ź bližejšaj vioski Zarubina, dzie jana stajała nasuprać kantory kałhasa.
Kałhas daŭno źlikvidavali, to j skulptura stałasia vioscy nie patrebnaj.
Pryčym tut ideałohija? Prosta, takija «pomniki» va Ukrainie, dy i ŭ krainach byłoha sacłahieru, na zakanadaŭčym uzroŭni, albo daŭno demantavali ci ciapier demantujuć. A ŭ nas jašče pakul staviać!
