Alaksandr Łukašenka daručyŭ uradu razhledzieć i vyrašyć prablemy ułasnaści dla fiermieraŭ. Takoje daručeńnie jon zrabiŭ padčas sustrečy ź fiermierami Mahiloŭščyny ŭ ahraharadku «Aleksandryja» Škłoŭskaha rajona.

U čas sustrečy fiermiery ŭ liku asnoŭnych prablemnych pytańniaŭ, jakija strymlivajuć ich raźvićcio, nieadnarazova nazyvali ciažkaści z vykupam arandavanaha imi majomaści. Pa ich słovach, kali b hetyja budynki i zbudavańni pierajšli da ich va ŭłasnaść, to i staŭleńnie da ich było b inšym. Tady jany byli b hatovy inviestavać u ich ramont i madernizacyju značnyja srodki.

«Heta nie toj vypadak, dzie dziaržava pavinna trymacca za hetuju ŭłasnaść, naprykład, stary śvinakompleks, jaki byŭ by daŭno ŭžo razburany. Ja dumaju nam treba pradumać, sabrać razam usie prablemnyja pytańni fiermierskaj supolnaści, źviazanyja z ułasnaściu, i adnym macham ich vyrašyć», - daručyŭ Alaksandr Łukašenka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?