Dzieviać dziaciej paciarpieli ŭ Horkach z-za pierakulvańnia vietram nadzimanaha atrakcyjonu, paviedamili BIEŁTA va ŭpraŭleńni Śledčaha kamiteta pa Mahiloŭskaj vobłaści.
fota z fejsbuka Aksany Salaniuk — pradstaŭnika SK pa Mahiloŭskaj vobłaści
Pa apieratyŭnaj infarmacyi, siońnia kala 17:00 kala doma №30 pa vulicy Vakzalnaj mocny paryŭ vietru pierakuliŭ nadzimany atrakcyjon, na jakim znachodzilisia dzieviać dziaciej. U vyniku padzieńnia dzieci atrymali cialesnyja traŭmy roznaj stupieni ciažkaści. Usie jany dastaŭleny ŭ Horackuju rajonnuju balnicu.
Troje znachodziacca ŭ chirurhičnym adździaleńni, šaściora - u dziciačym.
Usim dzieciam akazana nieabchodnaja miedycynskaja dapamoha, ź imi pracujuć psichołahi. Stan dziaciej aceńvajecca jak stabilny. Samomu maleńkamu — dva z pałovaj hady, starejšamu — dziesiać hadoŭ.
fota z fejsbuka Aksany Salaniuk — pradstaŭnika SK pa Mahiloŭskaj vobłaści
Na miescy zdareńnia pracavali supracoŭniki MNS i śledča-apieratyŭnaja hrupa. Vyrašajecca pytańnie ab zaviadzieńni kryminalnaj spravy. Śledčym treba budzie vyśvietlić, ci vykonvaŭ ŭłaśnik pryvatnaha atrakcyjonu ŭsie praviły ekspłuatacyi i techniki biaśpieki.
