Ekzapłanieta va ŭjaŭleńni mastaka. Vyjava: NASA/ Goddard Space Flight Center
Mižnarodnaja hrupa navukoŭcaŭ raspaviadaje ŭ časopisie Astronomical Journal pra nadzvyčaj vialikuju płanietu, znojdzienuju praz teleskopy prajektu HAT-South.
Jana znachodzicca kala čyrvonaha karlika HATS-6 u suzorji Zajca, što ŭ 560 śvietłavych hadach ad Ziamli.
Płanieta HATS-6b maje dyjamietr, roŭny dyjamietru Jupitara, i blizkuju da Saturna masu. Pry čyrvonych karlikach takija płaniety ličylisia niemahčymymi.
Vakoł svajho śviaciła jana abaročvajecca na adlehłaści ŭ 10 raz mienšaj, čym siaredniaja dystancyja ad Sonca da Mierkuryja. Adzin abarot vakoł zorki HATS-6b robić za niapoŭnyja 4 ziamnyja dni.
Navukoŭcy pakul nie mohuć patłumačyć, jak moža isnavać takaja płanieta. Imavierna, jana sfarmavałasia daloka ad svajoj zorki i zatym mihravała ŭ bok centru sistemy, miarkuje adzin z aŭtaraŭ daśledavańnia Džordž Čžoŭ.
Dalejšyja daśledavańni płaniety płanujecca pravieści z dapamohaj inšych teleskopaŭ. Nizkaja jaskravaść zorki i nizkaja ščylnaść płaniety daduć mahčymaść daśledavać strukturu i chimičny skład hazavaha hihanta.
