Pra heta zajaviła siońnia žurnalistam ministr pracy i sacyjalnaj abarony Maryjana Ščotkina ŭ pałacie pradstaŭnikoŭ, kamientujučy dekret №3.
«Naohuł hety dekret dosyć łajalny. Pavodle hramadzianska-pravavoj damovy idzie abmiežavańnie 70 bazavych vieličyń. Kali brać budaŭnikoŭ abo fryłansieraŭ, to jany mohuć na hod zaklučyć adnu hramadzianska-pravavuju damovu. I ŭsio — užo vyzvalajucca ad zboru. Tamu heta vielmi łajalny dekret», — skazała ministr.
Pry hetym jana adznačyła, što ŭsie fryłansiery pavinny aformicca, dla čaho ciapier jość mahčymaści, praduhledžanyja ŭ pracoŭnym zakanadaŭstvie. Ministr dadała, što ŭ Minpracy stali pastupać zvaroty ad fryłansieraŭ jak raz z nahody taho, jakim čynam adbyvajecca afarmleńnie.
«Heta vyrašajucca pytańni. Treba da hetaha stavicca realna i adekvatna. Vyjšaŭ dekret, idzie abmierkavańnie. U nas jašče da vypłaty padatku bolš za hod, tamu jość čas», — skazała jana.
