Vokładka albomu hurtu Iron Maiden «Brave New World», nazvanaha pa pieśni, natchnionaj «Dziŭnym novym śvietam» Chakśli
Kamanda paśpiachovaha na Zachadzie navukova-fantastyčnaha sieryjału «Skradzieny» («Taken») uźjadnajecca dla ekranizacyi «Dziŭnaha novaha śvietu» Ołdasa Chakśli, paviedamlaje The Hollywood Reporter.
Sieryjałam zajmiecca kinakampanija Styviena Śpiłbierha Amblin TV. Raman budzie adaptavany dla TV scenarystam Łeśli Boemam.
Udzieł samoha Śpiłbierha ŭ prajekcie nie paćvierdžany. Akciorski skład i data pačatku zdymak nieviadomyja.
Prezident kanału Syfy nazyvaje «Dziŭny novy śviet» adnym z najbolš upłyvovych kłasičnych tvoraŭ žanru. Pavodle jaho słoŭ, sieryjał «Dziŭny novy śviet» stanie «manumientalnaj televizijnaj padziejaj» i «vizitoŭkaj Syfy».
***
Raman Ołdasa Chakśli «Dziŭny novy śviet» byŭ pieršyniu apublikavany ŭ 1932 hodzie.
Jon raspaviadaje pra budučyniu, u jakoj ludzi Ziamli žyvuć u adzinaj dziaržavie ŭ ščaślivym hramadstvie spažyvańnia, «boham» jakoha staŭ kanstruktar Hienry Ford. Ludzi naradžajucca vyklučna z prabirak i ŭ zaležnaści ad «jakaści» dzielacca na kasty. Psichałahičnyja prablemy vyrašajucca narkotykam. U hetuju «idyliju» ź indejskaj reziervacyi traplaje dzikun Džon.
«Dziŭny novy śviet» atrymaŭ dźvie małaviadomyja ekranizacyi ŭ 1980 i 1998 hadach. U 2009 režysior Rydli Skot i akcior Leanarda Dzi Kaprya anansavali novuju adaptacyju knihi, ale dalej za anons sprava nie pajšła.
