Ramaryjo Dos Santas Alvies, 25-hadovy bodybiłder z Brazilii, chacieŭ vyraścić bicepsy jak u supierhieroja Chałka, raspaviadaje Barcroft TV.
Bodybiłder pačaŭ złoŭžyvać sintołam — injekcyjami dla pavieličeńnia myšcaŭ. Ale adnojčy ihły pierastali prachodzić praz skuru, im zaminali nadta ćviordyja myšcy.
Pryjšłosia nabyć ihły, jakimi koluć leki bykam.
Alviesu da peŭnaha momantu padabaŭsia jaho vyhlad — asabliva toje, jak dzieci nazyvajuć jaho Chałkam dy fatahrafujucca ź im. Ale myšcy ledź nie kaštavali jamu ruk, a to i žyćcia. Ź ciaham času jaho vyhlad staŭ pužać ludziej, a bol u myšcach staŭ nievynosnym — Alvies navat padumvaŭ pra samahubstva.
Vyśvietliłasia, što myšcy stali takimi ćviordymi, bo ŭ ich litaralna zaćviardzieli alei, što ŭvachodziać u skład sintołu. «My amputujem tvaje ruki. Tvaje myšcy jak kamień, tvaje myšcy paprostu źniščanyja», — zhadvaje Alvies słovy doktara.
U dzień, na jaki była pryznačanaja apieracyja, tamahrafija pakazała, što amputacyja nieabaviazkovaja — chvoryja ruki jašče možna vyratavać.
Alvies dva hady jak pierastaŭ prymać sintoł, ale praciahvaje zajmacca ŭ trenažornaj zale dy ŭsio jašče adčuvaje žadańnie ŭžyć što-niebudź, kab pavialičyć masu myšcaŭ.
