Na samym papularnym va Uschodniaj Jeŭropie narkaresursie (naŭmysna nie dajem jaho nazvu) naviedvalniki cynična vinšujuć svaich adnadumcaŭ z Dniom Pieramohi. Ledź nie ŭ kožnaj abjavie — słohany «Dziakuj za Pieramohu» i hieorhijeŭskija stužki. Vinšavańni čarhujucca z abjavami ab prodažy raznastajnych spajsaŭ, ejfaryčnych paraškoŭ i tabletak.
Tolki pa Minsku na sajcie štodnia vystaŭlajucca dziasiatki narkaabjavaŭ. A resurs svabodna adkryvajecca ŭ Biełarusi adusiul.
Nahadajem, što na pačatku krasavika ministr infarmacyi Lilija Ananič zajaviła pra zakryćcio 10 narkaresursaŭ. Ale, jak vyśviatlajecca, samy papularny ź ich praciahvaje pracavać.
Jeŭraradyjo ciaham niekalki miesiacaŭ sihnalizuje ŭ Mininfarmacyi i jaho padraździaleńni ab adkrytym i svabodnym funkcyjanavańni sajta. Reakcyi niama.
Resurs, pra jaki viadziecca havorka, nahadvaje amierykanski prajekt «Šoŭkavy šlach», zakryty niekalki hadoŭ tamu. Uładalniki zarablali na apieracyjach pa prodažy narkotykaŭ miljardy dołaraŭ.