U Brytanii ŭ čaćvier prajšło hałasavańnie na ŭsieahulnych vybarach. Pracavali kala 50 tysiač učastkaŭ, na jakich miljony vybarščykaŭ (usiaho zarehistravanyja 50 młn čałaviek) addali svaje hałasy za brytanskija palityčnyja partyi. Adbyłosia taksama hałasavańnie na miascovych vybarach.
Zhodna z papiarednimi vynikami, pieramahli kansiervatary. Paśla padliku hałasoŭ na 642 učastkach z 650, jany atrymlivajuć 325 miescaŭ u parłamiencie, pry nieabchodnych 323 dla farmavańnia ŭrada.
Lejbarysty zdabyvajuć 229 miescaŭ. Na trecim miescy — Šatłandskaja nacyjanalnaja partyja z 56 miescami. Heta najlepšy vynik šatłandskich niezaležnikaŭ za ŭsie časy.
Vybary ŭ Brytanii prachodziać pa mažarytarnaj sistemie, jaki kandydat pieramoh u akruzie, toj i idzie ŭ parłamient (a nie pa partyjnych śpisach).
Partnior kansiervataraŭ pa papiarednim uradzie, libierał-demakraty, nabirajuć 8 miescaŭ, stolki ž maje atrymać Demakratyčnaja junijanisckaja partyja Paŭnočnaj Irłandyi. Mienavita jany i mohuć uvajści ŭ novy ŭrad u jakaści małodšych partnioraŭ pry patrebie.
UKIP (Partyja niezaležnaści), jakaja zaklikaje da vychadu ź ES, nabiraje pakul adno miesca.
