Premjer-ministr Vialikabrytanii Devid Kemieran paśla sustrečy z karalevaj Lizavietaj II anansavaŭ refierendum pa pytańni dalejšaha siabroŭstva krainy ŭ Jeŭrasajuzie. Pra heta paviedamlaje Reuters.
AP
«Tak, my praviadziem refierendum pa našaj budučyni ŭ Jeŭropie», — zajaviŭ Kemieran.
Brytanski premjer i raniej abiacaŭ pravieści refierendum ab adździaleńni Brytanii ad ES. Tak, naprykład, jon padymaŭ hetaje pytańnie ŭ studzieni 2013 hoda ŭ ramkach svajho prahramnaha vystupu.
Raniej hetym ža dniom stała viadoma, što Kansiervatyŭnaja partyja na čale z Kemieranam atrymała siensacyjnuju pieramohu na parłamienckich vybarach i zabiaśpiečyła sabie prava na adnaasobnaje stvareńnie ŭrada. Kansiervatary atrymajuć 325 miescaŭ u parłamiencie — na adno miesca mienš, čym patrabujecca dla farmalnaj bolšaści.