Gabrielius Khiterer, WLL
Pra heta paviedamiŭ BiełaPAN načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžańnia i manitorynhu navakolnaha asiarodździa Dźmitryj Rabaŭ.
12 maja (aŭtorak) jašče zachavajecca ciopłaje nadvorje, pieravažna biez apadkaŭ. Nočču i ranicaj u asobnych rajonach słaby tuman. Tempieratura pavietra minimalnaje nočču plus 3—9°S, na hlebie miescami słabyja zamarazki 0 — minus 2°S; maksimalnaja tempieratura dniom plus 17—23°S.
Pavodle słoŭ Rabava, u sieradu praź Biełaruś budzie prachodzić atmaśfierny front, jaki pryniasie nočču pa zachodniaj pałovie, dniom na bolšuju častku terytoryi karotkačasovyja daždžy, miescami navalnicy. Ranicaj i dniom miescami ŭzmacnieńnie vietru paryvami da 15—17 m/s. Tempieratura pavietra minimalnaja nočču plus 5—11°S, pa zachadzie da plus 13°S; maksimalnaja dniom plus 11—18°S, pa paŭdniovym uschodzie plus 19—23°S.
«Pačynajučy z čaćviarha i da kanca tydnia nadvorje budzie vyznačać niaŭstojlivyja, chaładnavatyja i vilhotnyja pavietranyja masy, što iduć z paŭnočnych šyrot.
Tempieratura pavietra čakajecca na 2—4 hradusy nižejšaja za normu», — paviedamiŭ sinoptyk.
U čaćvier nočču miescami, dniom na bolšaj častcy terytoryi karotkačasovyja daždžy. U dzionnyja hadziny ŭ asobnych rajonach navalnicy. Tempieratura pavietra minimalnaja nočču plus 3—8°S, maksimalnaja dniom plus 12—19°S.
U piatnicu nočču miescami, dniom na bolšaj častcy terytoryi karotkačasovyja daždžy. Tempieratura pavietra minimalnaja nočču plus 8°S, pa zachadzie miescami zamarazki da 0 — minus 3°S; maksimalnaja tempieratura dniom plus 11—17°S, pa poŭdni da plus 19°S.
U subotu i niadzielu miescami karotkačasovyja daždžy. Tempieratura pavietra minimalnaja nočču plus 2—8°S, miescami zamarazki da 0 — minus 3°S; maksimalnaja tempieratura dniom plus 10—17°S.
