Minsk i Piekin u bližejšy čas padpišuć pahadnieńnie ab ustanaŭleńni pabracimskich suviaziaŭ. Takoje rašeńnie pryniata siońnia ŭ čas pieramovaŭ delehacyi ź Piekina z kiraŭnictvam Minharvykankama.
«U bližejšy čas my raspracujem prajekt i padpišam pahadnieńnie ab ustanaŭleńni pabracimskich suviaziaŭ pamiž dvuma haradami. Mer Piekina Van Ańšuń, padvodziačy vyniki sustrečy kiraŭnikoŭ Biełarusi i Kitaja, adznačyŭ, što dźvie stalicy pavinny stać ŭzornymi ŭ supracoŭnictvie pamiž kitajskimi rehijonami. Tamu my zrobim usio mahčymaje, kab Minsk i Piekin ŭmacavali svaje adnosiny pa ŭsich napramkach — pačynajučy ad handlova-ekanamičnaj i zakančvajučy sacyjalna-kulturnaj śfieraj», — skazaŭ staršynia Minharvykankama Andrej Šorac.
U bližejšy čas budzie stvoranaja biełaruska-kitajskaja rabočaja hrupa, jakaja vyvučyć ŭzajemnyja intaresy haradoŭ i vyznačyć viektar supracoŭnictva pa kožnym z kirunkaŭ. Taksama śpiecyjalisty pradumajuć pytańnie ab tym, jakija kroki nieabchodna zrabić, kab pavialičyć patok turystaŭ z Kitaja ŭ Minsk. U tym liku budzie razhledžana i pytańnie vizavaj padtrymki.
