U Bresckim rajonie 15 maja kala vaśmi ranicy adbyłosia DTZ z udziełam maršrutnaha taksi.
Jak paviedamiła načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, 56-hadovy kiroŭca maršrutki marki «HAZ», jaki vyjazdžaŭ na trasu M1 z druharadnaj darohi (pavarot na Klejniki), sutyknuŭsia z hruzavym aŭtamabilem «MAN». Fura ruchałasia pa hałoŭnaj darozie, za rulom znachodziŭsia 34-hadovy hramadzianin Polščy.
U vyniku paciarpieŭ kiroŭca «HAZa» (žychar Bresta). Z zakrytaj čerapna-mazhavoj traŭmaj i pierałomam rebraŭ jon špitalizavany ŭ Bresckuju abłasnuju balnicu. Maršrutnaje taksi tolki vyjazdžała na liniju, pasažyraŭ u im nie było.
Ad udaru «MAN» źjechaŭ u kiuviet. Jaho kiroŭca nie paciarpieŭ.
Abodva transpartnyja srodki atrymali miechaničnyja paškodžańni. Maršrutnaje taksi naležyć adnamu z pryvatnych transpartnych pradpryjemstvaŭ Bresta.
Pa fakcie darožna-transpartnaha zdareńnia pravodzicca pravierka.
