Ministerstva pracy RF prapanavała zabaranić rasijskim čynoŭnikam karystacca dla kamandzirovak pasłuhami zamiežnych avijapieravozčykaŭ. Prajekt adpaviednaj pastanovy apublikavany dla hramadskaha abmierkavańnia na adzinym partale pravavych aktaŭ.
Kali dakumient ustupić u siłu, to čynoŭniki nie zmohuć kuplać dla dziełavych pajezdak kvitki na rejsy zamiežnych avijakampanij i buduć vymušanyja abmiežavacca pasłuhami rasijskich avijapieravozčykaŭ.
Pry hetym u prajekcie pastanovy praduhledžanyja i vyklučeńni z hetaha praviła. U pryvatnaści, pasłuhami zamiežnych avijakampanij možna budzie karystacca ŭ vypadku, kali rasijskija pieravozčyki nie vykonvajuć rejsy da miesca, kudy čynoŭnik pavinien lacieć u kamandziroŭku.
U tłumačalnaj zapiscy da dakumienta ŭdakładniajecca, što jaho zadačaj źjaŭlajecca pavyšeńnie kankurentazdolnaści rasijskich avijakampanij. U toj ža čas pryvatnyja pajezdki čynoŭnikaŭ hetyja abmiežavańni nie zakranuć.
