Vyjava: utterlyorange.com
Z 2012 hoda suma elektronnych hrošaj, što pahašali biełaruskija fizičnyja asoby, pavialičvałasia ŭ čatyry razy. Ale ŭ 2015-m hodzie rynak elektronnych hrošaj staŭ pieravažna rynkam jurydyčnych asob, piša ŭ časopisie «Bankovskij viestnik» načalnik Hałoŭnaha ŭpraŭleńnia raźvićcia ličbavych bankaŭskich technałohij Nacbanka Alaksandr Sotnikaŭ.
Fizičnyja asoby ŭ Biełarusi praktyčna admovilisia ad elektronnych hrošaj paśla zabarony zvykłych ananimnych elektronnych hamancoŭ.
Z 1 sakavika, kali nabyŭ siłu antynarkatyčny dekret, u Biełarusi byli zabłakavanyja «biezymiennyja» elektronnyja hamancy, čyje ŭładalniki nie prajšli identyfikacyju. Pa słovach Sotnikava, heta pryviało da praktyčna poŭnaha zhortvańnia rynku pieradapłočanych kartak i źnižeńnia abarotaŭ pa apieracyjach fizičnych asob z elektronnymi hrašyma.
Nacbank uzajemadziejničaje ź biełaruskimi i zamiežnymi raspracoŭščykami sistem elektronnych hrošaj, zaviaraje Sotnikaŭ. Banki pavinny analizavać prapanovy pa pierafarmatavańni adnosin na rynku elektronnych hrošaj, kaža jon.
Na 2012 hod z pahašanych elektronnych hrošaj na sumu ŭ ekvivalencie 2,1 trłn biełaruskich rubloŭ fizičnyja asoby pahasili kala 13%. U nastupnyja hady suma apieracyj fizičnych asob padvojvałasia, dasiahnuŭšy ŭ 2014-m 34% usich apieracyj z elektronnymi hrašyma.
