Fota: tiggerjoy.wordpress.com
Daśledčy centr Fujitsu ŭ Kitai stvaryŭ prahramu dla vyrašeńnia tekstavych zadač. Ich prahrama zdoleła dać 37% pravilnych adkazaŭ, raspaviadaje N+1.
Robat paraŭnoŭvaŭ teksty zadańniaŭ i varyjantaŭ adkazu z archivam artykułaŭ anhłamoŭnaj Vikipiedyi. Takim čynam jon zdaŭ japonski ŭstupny ekzamien katehoryi pa suśvietnaj historyi.
Da tekstu zadańnia, pytańnia i varyjantaŭ adkazu padbiralisia zahałoŭki artykułaŭ Vikipiedyi sa słovami ź ich. Pravilnym abiraŭsia toj varyjant adkazu, u jakim najbolš zahałoŭkaŭ supadała z zahałoŭkami da tekstu i pytańnia.
Adkazy kłasifikavalisia praz 11 standartnych ałharytmaŭ, a vyrašeńnie prymałasia jak siaredniaje miž imi. Uličvalisia nie tolki zahałoŭki artykułaŭ, ale i kolkaść uzajemnych spasyłak miž artykułami z adpaviednymi zahałoŭkami.
U pytańniach z čatyrma varyjantami adkazaŭ robat mieŭ pośpiech u 45% vypadkaŭ (što zaŭvažna lepiej za 25% pry vybary vypadkovaha adkazu), ale «zavaliŭ» inšyja zadańni ekzamienu, ź niekatorymi spraviŭsia na nul bałaŭ.
Navukoŭcy płanujuć palepšyć ałharytm, ale nie kažuć naŭprost ab mahčymych śfierach jaho ŭžyvańnia.
