Niekatoryja karejskija škoły kanfiskujuć smartfony ŭ dziaciej padčas zaniatkaŭ. Fota z sajta theverge.com
Kamisija suviazi Karei pryniała rašeńnie ab prymusovym manitorynhu smartfonaŭ, jakimi vałodajuć niepaŭnahadovyja hramadzianie, paviedamlaje Associated Press.
Telekamunikacyjnyja kampanii musiać u abaviazkovym paradku ŭstalavać na Android-smartfony dziaciej 15 prahram, što buduć adsočvać aktyŭnaść aparataŭ.
Rašeńnie — prynamsi, pakul — tyčycca tolki novych Android-smartfonaŭ, što pradajucca dzieciam. Ale bolšaść škoł razasłała baćkam listy z prośbaj ustalavać prahramy-špijony na staryja smartfony. Vykanać rašeńnie kamisii na iPhone nie mahčyma ŭ poŭnym abjomie.
Ustalavanyja prahramy dazvolać baćkam adsočvać miescaznachodžańnie dziaciej dy sajty, što jany naviedvajuć, a taksama atrymlivać papiaredžańni, kali dzieci šukajuć u internecie frazy sa słovami «suicyd», «ciažarnaść» albo «ździeki» (anhł. bully). Akramia taho, baćkam paviedamiać, jak doŭha dzicio karystajecca smartfonam, dy dazvolać dystancyjna adklučać smartfony.
Prapanavanyja Karejaj prahramy byli spampavanyja amal paŭmiljona raz. Ekśpierty pa kibierbiaśpiecy tym časam papiaredžvajuć, što prapanavanyja prahramy mohuć vykarystoŭvacca nie pa pryznačeńni dy ŭstaloŭvacca bieź viedama čałavieka.
Nie ŭsie dzieci i baćki zadavolenyja rašeńniem, ale ab masavych pietycyjach ci pratestach suprać jaho nie paviedamlajecca.
