U Pinskaj dyjacezii praciahvajecca zapis ŭ samuju doŭhuju ŭ Biełarusi pilihrymku Brest-Baranavičy-Budsłaŭ, jakaja pačniecca 18 červienia, a zaviaršycca 25 červienia. Za 16 dzion pilihrymy projduć kala 537 km, tamu niepaŭnaletnim patrebna mieć dazvoł baćkoŭ.
Pilihrymka-2014, fota katolik-gomel.by
Biskup Pinski Antonij Dziamjanka ŭchvaliŭ inicyjatyvu, nahadaŭšy, što pilihrymka z Bresta ŭžo isnavała raniej, ale nie datryvała da hetaha času, pieradaje katolik-gomel.by. Kahości pužaje adlehłaść — usio ž bolš za paŭtysiačy kiłamietraŭ, kamuści škada času — druhaja pałova červienia viedlmi spryjalnaja dla adpačynku. Dy i treba sapraŭdy mieć dobruju fizičnuju formu, kab adoleć taki praciahły šlach u spartanskich umovach. Cikava, što u šlach źbirajucca i moładź, i ludzi stałaha ŭzrostu. Biskup upeŭnieny, što małady ksiondz Pavieł Rudźman dobra spravicca z arhanizacyjaj padarožža, inicyjataram jakoha vystupiŭ.
Značnaja častka maršrutu projdzie pa terytoryi Pinskaj dyjacezii, jakaja sioleta adznačaje 90-hodździe z dnia svajho paŭstańnia. Tamu biskup Antonij spadziajecca, što pilihrymka stanie znakam adnaŭleńnia viery i jaje dynamizmu ŭ Pinskim Kaściole.
Nie ŭsie ŭdzielniki vyjduć z Bresta, da pracesii možna budzie dałučycca pa darozie — ŭ Baranavičach, Iviancy, Rakavie, inšych miaścinach. Minułahodniaja pilihrymka Pinskaj dyjacezii «Baranavičy — Budsłaŭ» atrymałasia najbolš ludnaj, sabraŭšy bolš za 400 viernikaŭ
Rehistracyja praciahniecca da 5 červienia. Uniosak za ŭdzieł z Bresta – 400 tys. rubloŭ, z Baranavičaŭ – 300 tys. rubloŭ. Dakładnaja infarmacyja pa telefonie: +375 29 709 00 93 (ks. Pavieł) i na staroncy vk.com/club54073674.
Płan trasy CHCHII pilihrymki da sanktuaryja Maci Božaj Budsłaŭskaj 18.06 — 3.07.2015 Brest — Baranavičy — Budsłaŭ možna ŭbačyć taksama na sajcie katolik-gomel.by.
Uračystaści ŭ Budsłavie ŭ 2015 hodzie zapłanavany na 3-4 lipienia i projduć pad devizam «Maryja — prytułak hrešnych».
