Na hetym tydni ŭ Biełarusi čakajecca niaŭstojlivaje nadvorje ź liŭniami i navalnicami, paviedamiŭ BiełaPAN načalnik słužby Biełhidramieta Dźmitryj Rabaŭ.
«Z aŭtorka pa čaćvier u suviazi z prachodžańniem praz našu krainu aktyŭnych frantoŭ atmaśfiera budzie vałodać vialikaj termadynamičnaj niaŭstojlivaściu i padzielić krainu na dźvie pavietranyja masy, što pryviadzie da vialikaj raźbiežki tempieraturnaha fonu pamiž zachadam i uschodam», — zaznačyŭ sinoptyk.
U aŭtorak, 26 maja, na bolšaj častcy terytoryi karotkačasovyja daždžy, navalnicy, miescami mocnyja liŭni. Dniom u asobnych rajonach hrad, škvalistaje ŭzmacnieńnie vietru paryvami da 15—20 m/s. Tempieratura pavietra nočču plus 9—15°S, dniom plus 24—29°S, pa paŭnočnym zachadzie plus 21—23°S.
U sieradu na bolšaj častcy terytoryi daždžy, miescami navalnicy i mocnyja daždžy. Pry navalnicach uzmacnieńnie vietru paryvami da 15—20 m/s.
Tempieratura pavietra nočču plus 9—15°S, pa ŭschodzie da plus 17°S, dniom ad plus 11°S pa zachadzie da plus 28°S pa ŭschodzie krainy.
«U čaćvier atmaśfierny front budzie pavolna adychodzić na terytoryju Rasii, viecier paviernie na paŭnočny zachad, i z Bałtyki pačnuć raspaŭsiudžvacca bolš śviežyja pavietranyja masy», — paviedamiŭ Rabaŭ. Nočču na bolšaj častcy terytoryi, dniom pa paŭnočna-ŭschodniaj pałovie krainy karotkačasovyja daždžy, nočču miescami mocnyja daždžy. U asobnych rajonach navalnicy. Nočču pry navalnicach uzmacnieńnie vietru paryvami da 15—18 m/s. Tempieratura pavietra nočču ad plus 5°S pa zachadzie da plus 15°S pa ŭschodzie, dniom plus 14—19°S.
Jak paviedamiŭ śpiecyjalist, ź piatnicy i da kanca tydnia Biełaruś zastaniecca va ŭmierana ciopłaj pavietranaj masie.
Z rostam atmaśfiernaha cisku frantalnyja sistemy straciać svaju aktyŭnaść, karotkačasovyja daždžy projduć miescami.
U piatnicu nočču pieravažna biez apadkaŭ, dniom u asobnych rajonach karotkačasovyja daždžy, mahčymyja navalnicy. Tempieratura pavietra nočču plus 3—10°S, u zachodnich rajonach na hlebie miescami słabyja zamarazki da 0 — minus 2°S, tempieratura pavietra dniom plus 15—22°S.
U subotu i niadzielu miescami karotkačasovyja daždžy, dniom mahčymyja navalnicy. Tempieratura pavietra nočču plus 5—12°S, dniom plus 17—24°S, pa poŭdni da plus 26°S.
